کراچی میں امتحانی پرچہ لِیک

by easy search on 14-10-2015 in

کراچی(مانیٹرنگ ڈیسک)سندھ بورڈ آف ٹیکنیکل ایجوکیشن کے زیرِ اہتمام ہونے والا امتحانی پرچہ آؤٹ ہوگیا ہے ۔
نجی ٹی وی 92 نیوز کے مطابق چیک اینڈ بیلنس کا معیار اتنا گرگیا ہے کہ ڈھائی بجے شروع ہونے والا پرچہ ڈیڑھ گھنٹہ پہلے ہی لیک ہوگیا ہے ۔ امتحانی پرچہ ایک بجے سے فوٹو کاپی کی دکانوں پر ملنا شروع ہوگیا ہے۔
اسلامیات اور مطالعہ پاکستان کا پرچہ فوٹوسٹیٹ کی دکانوں سے 500 روپے فی پیپرکے حساب سے مل رہاہے۔
یاد رہے کہ سندھ کے امتحانی نظام پر پہلے بھی سوالات اٹھتے رہتے ہیں اورسندھ میں امتحانات کے دوران نقل اور بوٹی کا رواج عام پایا جاتا ہے ۔ امتحانات میں ہونے والی نقل کی ویڈیو اکثر میڈیا پر چلتی رہتی ہے لیکن سائیں سرکار لمبی تان کر سوئی رہتی ہے اور صرف دکھاوے کیلئے کبھی کبھار کوئی اکا دکا کارروائی کردیتی ہے، جس میں ملزمان اثرورسوخ اور پیسے کی چمک کے زور پر قانون کی گرفت سے آزاد ہوجاتے ہیں۔

Leave a Comment