انسانی حقوق کی خلاف ورزیاں

by easy search on 16-09-2015 in

واشنگٹن (آئی این پی )بھارتی وزیراعظم نریندرمودی کے دورہ امریکہ کے موقع پر بائیں بازو کے کارکنوں اور علیحدگی پسند سکھوں نے احتجاج کا اعلان کردیا۔غیر ملکی میڈیا رپورٹس کے مطابق بھارتی وزیراعظم نریندر مودی کے دورہ امریکہ کے موقع پر بائیں بازو کے کارکنوں اور علیحدگی پسند سکھوں نے احتجاج کی تیاری شروع کردی ہے ۔رپورٹ کے مطابق ایک سکھ انسانی حقوق کے گروپ نے ’’سکھ فار جسٹس‘‘کے زیراہتمام نریندر مودی کے دورے کے دوران مینلو پارک میں فیس بک کے ہیڈ کوارٹر پر دھرنا دینے کا اعلان کیا ہے ۔گروپ کا کہنا ہے کہ انکا احتجاج فیس بک کی جانب سے بھارتی وزیراعظم نریندر مودی کی میزبانی کرنے کے خلاف ہے جنھوں نے بھارت کو جبری طور پر ہندو قوم میں تبدیل کرنے کی مہم شروع کررکھی ہے ۔ واضح رہے کہ بائیں بازو کے کارکنوں اور علیحدگی پسند سکھوں نیگزشتہ سال نریندر مودی کی میڈیسن اسکوائر گارڈن آمد کے موقع پر بھی احتجاج کیا تھا۔

Leave a Comment