رنبیر کے بارے میں مت پوچھیں. کترینہ کیف

by easy search on 17-08-2015 in

ممبئی (مانیٹرنگ ڈیسک) کترینہ کیف اور رنبیر کپور کی شادی کی خبریں اکثرآتی رہتی ہیں اور ان سے دونوں کو اکثر پریشان ہوتے بھی دیکھاگیاہے ، ایسا ہی کچھ کترینہ کیف سے ہوا جب ممبئی کے ایک سٹوڈیو میں برطانوی میڈیا کا سامنا ہونے پر ریکارڈنگ شروع ہونے سے پہلے ہی بولیں کہ ’پلیز رنبیر کے بارے میں مت پوچھیں‘۔
بی بی سی کی رپورٹ کے مطابق کترینہ کیف تنازعات سے دور رہنے کی کوشش کرتی ہیں ، فینٹم کی پاکستان میں نمائش رکوانے پر فلم ڈائریکٹر کبیر خان اور سیف علی خان نے اپنا موقف دیا لیکن کترینہ کیف نے اس معاملے سے دور رہنے میں ہی عافیت سمجھی ،وہ فلم کی تشہیر کے علاوہ کسی دوسرے معاملے پر بات ہی نہیں کرناچاہتیں۔رنبیر اور پاکستان میں فلم پر پابندی سے متعلق سوال کو ٹالتے ہوئے کترینہ کاکہناتھاکہ اس سے فرق نہیں پڑتا، باتیں تو دپیکا اور پریانکاکے بارے میں بھی ہوتی ہیں اور اب یہ باتیں مجھے پریشان نہیں کرتیں ۔ ایکشن فلم سے متعلق سوال کے جواب میں کترینہ کاکہناتھاکہ اب ایکشن فلموں کی عادی ہوچکی ہوں اور سچی بات تو یہ ہے کہ اب اس میں بڑا مزاآتاہے ۔

Leave a Comment