عمران خان نے سارا الزام ریحام خان پر ڈال دیا

by easy search on 18-08-2015 in

اسلام آباد(مانیٹرنگ ڈیسک) پاکستان تحریک انصاف کے چیئرمین عمران خان نے اعلان کیاہے کہ ریحام خان آئندہ پی ٹی آئی کی کسی تقریب میں شرکت نہیں کریں گی ، خواتین کے اصرار اور متعلقہ امیدوار کی درخواست پر این اے 19ہری پور کی انتخابی مہم میں شرکت کی تھی لیکن شکست پر تنقید سے پریشانی ہوئی ۔
مائیکروبلاگنگ ویب سائٹ ٹوئٹر پر عمران خان نے لکھاکہ ریحام خان کو پارٹی میں کوئی عہدہ دیاجارہاہے اور نہ ہی سیاست میں لایاجارہاہے لیکن شکست کے بعد ہونیوالی تنقید پر حیرانی اور افسوس ہوا، ریحام خان پہلے ہی بہت مصروف ہیں ، وہ سٹریٹ چلڈرنزکیلئے کام کررہی ہیں ۔
عمران خان نے بتایاکہ اُن کے کہنے پر ریحام خان کراچی ضمنی الیکشن کی مہم کیلئے گئیں کیونکہ وہ کراچی میں خوف کی فضاءکا خاتمہ اور خواتین ووٹرز کو گھروں سے باہر نکالناچاہتے تھے ، دھرنے کی سب سے بڑی کامیابی یہ ہے کہ نوجوانوں اور خواتین میں آگاہی آئی ہے ۔

دوسری طرف ریحام خان نے اپنے ٹوئیٹس میں کہاہے کہ اس لیے پارٹی کی حمایت کرتی ہوں کیونکہ میرے خاوند نے اس کے لیے زندگی وقف کردی، میں نے اپنے خاوند کو قوم کے مستقبل کیلئے کام کرتے دیکھا، وہ کچھ بھی کریں ، ان کی حمایت کریں گی ۔

Leave a Comment